Ek adna sa sach

Ek adna sa sach
Ki humme tumse pyaar hai,
Bas maan lo, aur aage badho.

Dekhna kahi girna mat,
Aur giro toh rona mat,
Agar jo rona aaye, toh,
Yakeen maanana, aur bas yaad kar lena,
Mera woh ek adna sa sach.

Kayi chaka chaundh ki hogi baarishe
Dikhenge kayi kille hawa mein tairte bhi
Suraj bhi sona bhapega
Aur chaand bhi chaandi jaapega
Har aur hi hongi shauharte
Aur har itar tumhaare naam hoga
Par,
Ghadi dar ghadi ye baarishe tham jaayengi,
Neev khud jaayegi inn baadshaashi killo ki
Har bhaap aur jaap mrigtrishna ban jaayenge
Har shahurat ke shauhar
Aur, har itar ke jauhar, mit jaayenge
Jo sapne kabhi karn kehlaate the
Woh bhul jaayenge apne bisare kavach
Bas tum yakeen maan-na aur yaad kar lena
Mera woh adna sa sach...